Оюутны хөгжлийн зээл, буцалтгүй тусламж

62

Оюутан хүүгүй зээлээр суралцаад ажлын талбар дээр гараад төлөх нөхцөл бий боллоо. Өнгөрсөн хугацаанд 90 тэрбум төгрөгийн зээлийн эх үүсвэр байсан ч 5 тэрбумыг л арилжааны банкууд олгожээ. Энэ жил 35-37 мянган оюутан Боловсролын зээлийн сангаас зээл авна.

“ОЮУТНЫ ХӨГЖЛИЙН ЗЭЭЛ” нь

  • ХҮҮГҮЙ
  • БАРЬЦААГҮЙ
  • ХАМТРАН ЗЭЭЛДЭГЧГҮЙ
  • ЭРГЭН ТӨЛӨЛТ НЬ ОЮУТНЫ ИРЭЭДҮЙН ОРЛОГОД СУУРИЛНА
  • СУРЛАГЫН ЧАНАРТ ТУЛГУУРЛАНА
  • СУРГАЛТЫН ТӨЛБӨРИЙН ДАРАМТГҮЙ
  • ШУУРХАЙ, ХҮРТЭЭМЖТЭЙ, ЧИРЭГДЭЛГҮЙ
  • АРИЛЖААНЫ БАНКААР ДАМЖИХГҮЙ болж байна.

“Оюутны хөгжлийн зээл”-ийн шинэчилсэн журам баталгаажих шатандаа явж байгаа бөгөөд цаашид зээлд хамрагдахыг хүссэн оюутнууд зээлийн шаардлагыг хангахуйц голч дүнтэй, ЭЕШ-ийн оноотой байхыг анхаарна уу. 

“Дээд боловсролын сургалтын байгууллагын оюутан, суралцагчид оюутны хөгжлийн зээл олгох, эргэн төлүүлэх журам”-ыг хавсаргав.

ТӨРИЙН САНГИЙН БУЦАЛТГҮЙ ТУСЛАМЖ

Хэн хамрагдах вэ?

  1. Бүтэн өнчин суралцагч
  2. Хөгжлийн бэрхшээлтэй суралцагч (50% -с дээш хөдөлмөрийн чадвараа алдсан)
  3. Эцэг эх нь хоёулаа хөгжлийн бэрхшээлтэй суралцагч (70%)
  4. Хөдөлмөрийн чадвараа бүрэн алдсан гишүүнтэй өрхийн нэг суралцагч

Ямар бичиг баримт бүрдүүлэх вэ?

  • Өргөдөл;
  • Төрсний гэрчилгээний хуулбар;
  • Эцэг эхийн асран хамгаалагч, харгалзан дэмжигч болон суралцагчийн иргэний үнэмлэхийн хуулбар, хэрэв хөгжлийн бэрхшээлтэй тохиолдолд группын дэвтэрийн хуулбарууд;
  • Бүрэн дунд боловсролын гэрчилгээний хуулбар;
  • Боловсролын үнэлгээний төвийн батламж;
  • Сургуульд зохих журмын дагуу элссэнийг гэрчлэх эрхийн бичгийн хуулбар;
  • Үргэлжлүүлэн суралцагчдын дүнгийн тодорхойлолт;
  • Хөгжлийн бэрхшээлтэй болохыг тогтоосон холбогдох байгуулагын тодорхойлолт;
  • Өрхийн нэг гишүүнийг хөдөлмөрийн чадвараа бүрэн алдсан болохыг тогтоосон холбогдох байгуулагын тодорхойлолт;
  • Дээрх бичиг баримтыг нотлох харьяалах сум дүүргийн Засаг даргаас баталгаажуулсан албан ёсны бичиг баримт;

Жич: Суралцагч нь чөлөө авсан болон журамд заасан голч дүнгийн босгын шаардлага хангахгүй суралцсан тохиолдолд сургуулийн албан ёсны шийдвэр, саналыг үндэслэн гэрээг нь түдгэлзүүлж, санхүүжилтийг түр зогсооно.